Расійская апазіцыя адмовілася ад правядзення мітынгаў у падтрымку Навальнага ў найбліжэйшыя выхадныя
Паплечнікі Аляксея Навальнага не будуць праводзіць мітынгаў у яго падтрымку ў найбліжэйшыя выхадныя, заявіў кіраўнік сеткі штабоў палітыка Леанід Волкаў у эфіры тэлеканала «Дождь».
Па словах Волкава, наступныя мітынгі будуць праводзіцца вясной і летам.
«Калі мы будзем выходзіць кожны тыдзень, мы будзем атрымліваць яшчэ тысячы арыштаваных і сотні збітых. Будзе паралізаваная праца штабоў і будзе немагчымая праца па выбарах ужо за проста так. Гэта не тое, чаго ад нас просіць Аляксей. Аляксей нас просіць сканцэнтравацца на восені [і выбарах у Дзярждуму]. Даставаць яго з турмы мы будзем знешнепалітычнымі метадамі», — сказаў Волкаў.