СМІ паведамілі, што Ціму Беларускіх затрымалі з гашышам у Мінску
«Ціму Беларускіх затрымалі з 2 кг гашышу ў Мінску. Цяпер ён пад хатнім арыштам», — напісаў тэлеграм-канал Mash.
Паведамляецца, што выканаўца быў затрыманы 10 студзеня.
Пра 2 кг гашышу і хатні арышт спевака паведамляе таксама БТ. У тэлеграм-канале была апублікаваная фатаграфія.
Сам Ціма зрэагаваў на гэта ў сваім інстаграме. «Хлопцы, заяўляю вам адкрыта ў лоб: усё, што вы чытаеце, — няпраўда, я знаходжуся дома, але не пад арыштам».