Пуцін пракаментаваў фільм-расследаванне пра палац у Геленджыку
Прэзідэнт Расіі заявіў, што ні ён, ні яго сваякі не валодаюць палацам у Геленджыку, пра які Фонд барацьбы з карупцыяй паведаміў у фільме «Палац для Пуціна».
Аб гэтым Пуцін сказаў у час размовы са студэнтамі, піша meduza.io.
«Я не глядзеў гэтага фільма проста за адсутнасцю вольнага часу для прагляду такой… такой інфармацыі. Але гартаў відэападборкі, якія прынеслі памочнікі. Адразу хачу адказаць на ваша пытанне: нічога з таго, што там паказана ў якасці маёй уласнасці, ні мне, ні маім блізкім сваякам не належыць і ніколі не належала. Ні-ко-лі».