Пад Стоўбцамі прычэп МАЗа вылецеў на сустрэчную і пратараніў легкавік
Здарэнне адбылося раніцай 25 студзеня каля в. Мархачоўшчына.
Пра гэта паведамілі ў прэс-службе МУС.
44-гадовы кіроўца МАЗа ехаў з боку Стоўбцаў у напрамку Нясвіжа. У нейкі момант паўпрычэп грузавіка вынесла на сустрэчную, дзе ён урэзаўся ў «Пежо».
У выніку ДТЗ кіроўца і пасажыр «Пежо» атрымалі траўмы рознай ступені цяжкасці і былі шпіталізаваныя.