На маладзечанскай трасе перакулілася аўтацыстэрна са смалой
У ноч на 13 студзеня на трасе Р28 перакулілася аўтацыстэрна, заблакаваўшы рух транспарту. Пра гэта паведамілі ў прэс-службе МУС.
Фота МУС
Кіроўца вялікагруза ехаў з боку Мінска, не ўлічыў дарожныя ўмовы. Грузавік занесла, ён прабіў металічную агароджу, выехаў на паласу сустрэчнага руху і перакуліўся.
Аўтацыстэрна перавозіла 21 тону смалы, каля 300 літраў вылілася на дарогу. Падчас аварыі ніхто не пацярпеў.