Беларускія ўлады заклікалі Польшчу выдаць Пуцілу і Пратасевіча
Беларускія ўлады заклікалі польскі бок выдаць у самыя кароткія тэрміны Сцяпана Пуцілу і Рамана Пратасевіча з улікам асаблівай «грамадскай небяспекі іх злачыннай дзейнасці», паведамляе МЗС Беларусі.
У Міністэрстве замежных спраў Беларусі 16 лістапада прайшла сустрэча з часовым павераным у справах Польшчы ў Беларусі Марцінам Вайцяхоўскім.
Беларускі бок выказаў заклапочанасць «злачыннай дзейнасцю Сцяпана Пуцілы і Рамана Пратасевіча праз створаныя імі экстрэмісцкія Telegram-каналы «Нехта» і «Нехта Live», гаворыцца ў паведамленні.
«Польскі бок заклікалі выдаць Сцяпана Пуцілу і Рамана Пратасевіча Беларусі ў самыя кароткія тэрміны з улікам асаблівай грамадскай небяспекі іх злачыннай дзейнасці», — заявілі ў МЗС.