Беларусь выслала двух дыпламатаў Брытаніі з-за «дэструктыўнай дзейнасці»
Двое брытанскіх дыпламатаў абвешчаныя персонамі нон грата ў Беларусі, паведамляе АНТ.
Як праінфармавалі ў МЗС Беларусі, гэта рашэнне прадыктавана «дэструктыўным характарам дзейнасці» брытанскіх падданых.
Гаворка пра вайсковага аташэ Вялікабрытаніі Уайта Байкота Цімаці і намесніка пасла Лізу Тумвуд.
Паводле прадстаўніка МЗС, гэта рашэнне з'яўляецца вымушаным.
«Гэтым рашэннем ніякім чынам беларускі бок не зачыняе дзверы для дыялогу з нашымі брытанскімі калегамі і пакідае іх адчыненымі», — запэўніў Анатоль Глаз.
Як удакладняецца, абодва дыпламаты пакінулі тэрыторыю Беларусі.