Ля Камароўкі 71-гадовы кіроўца збіў на пераходзе 22-гадовую дзяўчыну
Аварыя адбылася 9 лістапада на вуліцы Крапоткіна, паведамляе ДАІ ў сваім тэлеграм-канале.
Устаноўлена, што 71-гадовы кіроўца Kia ехаў з боку вуліцы Кульман у напрамку Харужай у другой паласе. Паблізу дома №84 ён збіў 22-гадовую дзяўчыну, якая перабягала дарогу па нерэгуляваным пешаходным пераходзе.
Паводле інфармацыі інспектараў, дзяўчыну даставілі ў шпіталь для агляду.