Пад Стоўбцамі пара з пісталетам абрабавала краму
Здарэнне адбылося ўвечары 31 кастрычніка ў вёсцы Ячонка, паведамляе прэс-служба МУС. Мужчына і жанчына зайшлі ў мясцовую краму і, пагражаючы прадметам, падобным да пісталета, забралі ў прадавачкі выручку (каля 2 тысяч рублёў). Перш чым сысці, налётчыкі звязалі жанчыну скотчам.
Пацярпелай удалося вызваліцца і патэлефанаваць у міліцыю. Участковы вызначыў месцазнаходжанне пары, іх затрымалі. Грошы знайшлі ў жанчыны.
Падазраванымі апынуліся жыхары Стоўбцаў. 42-гадовы мужчына раней быў неаднаразова судзімы.
Фігуранты змешчаныя ў ІЧУ. Распачатая крымінальная справа за рабаўніцтва.