«Запалохванні ўжо не працуюць». Марыя Калеснікава прагаласавала на выбарах
Фото Ольги Лойко
Прадстаўнік аб'яднанага штаба Святланы Ціханоўскай Марыя Калеснікава прагаласавала на выбарах прэзідэнта. Яна спадзяецца, што ўсё пройдзе мірна, піша Tut.by.
«Запалохванні ўжо не працуюць. Спадзяемся, гэта хутка скончыцца», — коратка сказала яна журналістам.
Марыя Калеснікава, праверыўшы свой бюлетэнь — ці няма нейкіх пазнак, і ці ёсць два подпісы на абароце, адправілася ў кабінку і прагаласавала.
Планы ў прадстаўніка аб'яднанага штаба на сёння простыя: паснедаць, потым скласці кампанію Святлане Ціханоўскай, калі тая адправіцца галасаваць, а астатняе — як пойдзе.
— Будзем спадзявацца, што ўсё будзе мірна, — дадала яна.
Нагадаем, першапачаткова Марыя Калеснікава ўзначальвала штаб Віктара Бабарыкі. Пазней яна разам са Святланай Ціханоўскай і Веранікай Цапкала стала тварам аб'яднанага штаба.