Дзмітрыеў: Нам сказалі, што могуць адключыць інтэрнэт у выпадку «пагрозы бяспецы дзяржавы»
Кандыдат у прэзідэнты Андрэй Дзмітрыеў заявіў журналістам пасля выхаду з экстраннага пасяджэння ЦВК, што не выключана абмежаванне інтэрнэту ў краіне.
«Я пацікавіўся ў дзяржсакратара Раўкова пра магчымае абмежаванне інтэрнэту. Мне быў дадзены адказ, што ў выпадку, калі яны палічаць, што адтуль зыходзіць прамая пагроза бяспецы краіны, то такога кроку не выключаюць, адключыць інтэрнэт», — сказаў Андрэй Дзмітрыеў.