Канапацкая: Маім дзецям пагражаюць
Кандыдатка ў прэзідэнты Ганна Канапацкая пацвердзіла, што не будзе ладзіць ніякіх мітынгаў у сваю падтрымку. Сваё рашэнне яна абгрунтавала ў тым ліку пагрозамі, якія нібыта паступаюць у адрас яе, яе дзяцей, а таксама давераных асобаў.
Ганна Канапацкая, фота Надзеі Бужан
«Улада, засяроджаная на барацьбе з іншадумствам і пратэстнымі настроямі, сёння не здольная абараніць кагосьці, акрамя сябе, што робіць вулічную агітацыю небяспечнай», — напісала Канапацкая ў фэйсбуку.
Разам з тым яна спрабуе дамовіцца на сустрэчы з калектывамі прадпрыемстваў. Даслала 50 лістоў, але ніхто не адказаў.