Вярхоўны суд адхіліў скаргу Цапкалы на рашэнне ЦВК не рэгістраваць яго кандыдатам
Вярхоўны суд Беларусі прыняў рашэнне пакінуць без задавальнення скаргу экс-кіраўніка Парка высокіх тэхналогій Валерыя Цапкалы на рашэнне Цэнтрвыбаркама не рэгістраваць яго кандыдатам у прэзідэнты, паведамляе Інтэрфакс.
«Суд прыходзіць да высновы аб адсутнасці прававых падстаў для задавальнення скаргі Цапкала і адмены пастановы ЦВК ад 14 ліпеня 2020 года», — заявіла суддзя Ганна Сакалоўская падчас пасяджэння ў панядзелак.
Нагадаем, што паводле ЦВК у Цапкалы не было дастаткова подпісаў (75 тысяч пры патрэбных 100 тысяч)
Сам Валерый Цапкала казаў, што сабраў 214 тысяч подпісаў.