ЗША абагналі Кітай па колькасці смерцяў ад каранавіруса
ЗША абагналі Кітай па колькасці смерцяў ад каранавіруса.
Усяго ў ЗША памерла 3 415 чалавек, а ў Кітаі — 3 309. Па агульнай колькасці загінулых ад каранавіруса наперадзе толькі Італія і Іспанія.
Найгоршая сітуацыя ў ЗША складваецца ў Нью-Ёрку, дзе толькі за апошнія суткі памерлі 208 чалавек, а агульная колькасць загінулых дасягнула 1550. Больш за сотню памерлых у штатах Вашынгтон (210), Нью-Джэрсі (198), Луізіана (185), Мічыган (184), Каліфорнія (149) і Джорджыя (108).