У Мінску хлапец на БМВ зачапіў «Мазду». Японская машына перакулілася, а немцу нічога
Здарэнне адбылося сёння, 2 лютага, на Партызанскім праспекце, паведамляе ДАІ ў сваім тэлеграм-канале.
24-гадовы кіроўца на БМВ рухаўся ў чацвёртай паласе па Партызанскім з боку вуліцы Варвашэні ў напрамку вуліцы Кабушкіна.
Не справіўся з кіраваннем і сутыкнуўся з «Маздай», што ехала ў трэцяй паласе.
Пасля сутыкнення «Мазда» перакулілася і апынулася на тратуары. У выніку ДТЗ кіроўца аўтамашыны «Мазда» атрымаў цялесныя пашкоджанні і быў дастаўлены ў бальніцу. Кіроўца БМВ не пацярпеў.