Аранжавы ўзровень небяспекі праз галалёд і туман аб'явілі ў Беларусі
Галалёд і туман чакаюцца ў ноч з 28 на 29 лістапада і раніцай у пятніцу ў Беларусі.
Галалёды, што назіраюцца 28 лістапада, да канца бягучых сутак распаўсюдзяцца на ўсходнюю частку краіны і захаваюцца да 10:00-11:00 пятніцы, 29 лістапада. На дарогах чакаецца галалёдзіца.
Прагназуемы сёння ўвечары туман у паўднёва-заходніх і цэнтральных раёнах Беларусі захаваецца на працягу ночы. Бачнасць — 100-500 м.
У Мінску галалёд захаваецца ў першую палову ночы 29 лістапада. Для яго прадухілення камунальныя службы працягваюць апрацоўваць дарогі.