Зяленскі патлумачыў, чаму не згольвае бараду
Прэзідэнт Украіны Уладзімір Зяленскі на сустрэчы з прэм'ер-міністрам Чэшскай рэспублікі Андрэем Бабішам з'явіўся ў даволі незвычайным выглядзе. Заўсёды гладка выгалены прэзідэнт прыйшоў на мерапрыемства з барадой, піша РБК Україна.
Прэзідэнт Украіны папрасіў прабачэння ў дэлегацыі Чэхіі за знешні выгляд, патлумачыўшы гэта забабонамі, якімі часта кіруюцца ўкраінцы.
Пагаліцца Уладзімір Зяленскі паабяцаў, калі ва Украіну вернуцца захопленыя Расіяй у лістападзе 2018 года ў Керчанскім праліве караблі.
Адзначым, ВМС Украіны ўжо пацвердзілі вяртанне «Нікопаля», «Бердзянска» і «Яны Капу». Іх прыбыццё ва Украіну чакаецца ўжо 20-21 лістапада. Імаверна, ужо хутка Зяленскі верне сабе ранейшы прэзентабельны выгляд.