У Амстэрдаме арыштавалі акцыі «дачкі» «Газпрома» на $2,5 мільярда
23 кастрычніка 2019 года Акруговы суд Амстэрдама арыштаваў акцыі кампаніі South Stream Transport B. V. (даччыная кампанія Газпрома). Пра гэта паведаміў выканаўчы дырэктар украінскага «Нафтагаза».
Гэтая кампанія была створана для планавання і будаўніцтва марскога газаправода Паўднёвы паток. Пасля закрыцця гэтага праекта ў 2014 годзе кампанія прыступіла да распрацоўкі марскога газаправода Турэцкі паток. Штаб-кватэра South Stream Transport B.V. размешчана ў Амстэрдаме.
У «Нафтагазе» заявілі, што працягваюць прымаць меры для забеспячэння выплаты «Газпромам» доўгу ў памеры $2,56 млрд, які расійская кампанія павінна выплаціць па выніках рашэння Стакгольмскага арбітражу.