Кітай упершыню ў гісторыі абагнаў ЗША па колькасці багачоў
Кітай упершыню абышоў ЗША па колькасці жыхароў, на долю якіх прыпадае 10% усяго сусветнага багацця. Пра гэта гаворыцца ў штогадовым даследаванні швейцарскага банка Credit Suisse.
У Кітаі, па падліках экспертаў Credit Suisse, да гэтай катэгорыі можна аднесці 100 мільёнаў чалавек, а ў ЗША — 99 мільёнаў.
Пры гэтым па колькасці мільянераў ЗША па-ранейшаму значна апярэджваюць Кітай.
У ЗША каля 18,6 мільёна чалавек валодаюць маёмасцю ад 1 мільёна даляраў, а ў Кітаі такіх 4,4 мільёна чалавек.