У Мінску апалае лісце прыбіраюць спецыяльнымі камбайнамі
У сталіцы актыўна займаюцца прыбіраннем лісця. Для гэтага выкарыстоўваюць спецыяльную тэхніку, паведамляе СТБ.
11 кастрычніка такія машыны выйшлі ў Аляксандраўскі сквер. На прыбіранні лісця працуе кампактная каманда: аператары саміх міні-камбайнаў і супрацоўнікі, якія прыбіраюць лісце з цяжкадаступных месцаў з дапамогай пыласосаў і, наадварот, з дапамогай выдзьмувальнікаў. Такая тэхніка замяняе 10 працоўных і скарачае час на прыбіранне ўдвая.