У Мінску 11-гадовая дзяўчынка трапіла пад трамвай
Сёння на Лагойскім тракце ў Мінску 11-гадовая дзяўчынка трапіла пад трамвай, паведамляе МУС.
Пры пад'ездзе да рэгуляванага пешаходнага пераходу кіроўца трамвая ўбачыў, як на чырвоны сігнал святлафора на трамвайныя пуці выйшла 11-гадовая дзяўчынка. Аднак экстранае тармажэнне не дапамагло пазбегнуць наезду. Брыгада хуткай дапамогі даставіла дзяўчынку ў бальніцу. Па факце ДТЗ праводзіцца праверка.