ФІФА абвясціла прэтэндэнтаў на званне найлепшага футбаліста года
ФІФА вызначылася з дзесяццю прэтэндэнтамі на званне найлепшага футбаліста года.
Гаворка ідзе пра Садзіё Манэ, Махамеда Салаха і Вірджыла ван Дэйка з «Ліверпуля», форварда «Тотэнхэма» Хары Кейна, Крышціяну Раналду («Ювентус»), Фрэнкі дэ Ёнга («Барселона»), Матэйса дэ Лігта («Ювентус»), Эдэна Азара ( «Рэал»), Кіліяна Мбапэ («Пары Сен-Жэрмен») і Ліянеля Месі («Барселона»).
Уладальніка прэміі вызначыць спецыяльная камісія, якая складаецца з экспертаў, інтэрнэт-карыстальнікаў, спартыўных журналістаў, а таксама трэнераў і капітанаў нацыянальных каманд. Дзеючы ўладальнік тытула — Лука Модрыч з «Рэала».