У расійскага баксёра-дэпутата Валуева — смяротная пухліна мозгу
Былы чэмпіён свету па боксе ў суперцяжкай вазе, дэпутат Дзяржаўнай думы РФ Мікалай Валуеў прызнаўся, што да гэтага часу праходзіць штомесячную тэрапію праз пухліну галаўнога мозгу.
«Мне залазілі ў галаву. Захворванне смяротнае, яго трэба было як мага хутчэй лакалізаваць. Адцягваць праблему — значыць пагаршаць сітуацыю. Але не магу сказаць, што клаўся на аперацыйны стол як герой.
Рабіў гэта двойчы, таму што ў Германіі лячэнне не скончылі да канца. У выніку ў Расіі прафесар, які рабіў аперацыю, таксама не змог да канца прыбраць пухліну, таму што там вельмі важныя сасуды галаўнога мозгу. Ён прыняў правільнае рашэнне і не стаў рызыкаваць. Цяпер мне даводзіцца штомесяц праходзіць тэрапію», — распавёў Мікалай Валуеў у інтэрв'ю каналу «ТВ Центр».