Болтан западозрыў Мадуру ў продажы золата для аплаты ўмяшання Расіі
Памочнік амерыканскага прэзідэнта па нацыянальнай бяспецы Джон Болтан заявіў, што прэзідэнт Венесуэлы Нікалас Мадура «крадзе рэсурсы» краіны, і выказаў меркаванне, што гэта неабходна для аплаты расійскага ўмяшання.
«Мадура не толькі мае патрэбу ў замежнай вайсковай падтрымцы, каб захаваць парэшткі няўдалай дыктатуры, але і, як паказваюць паведамленні, вывозіць венесуэльскія актывы на самалёце. Ці крадзе ён рэсурсы ў людзей, каб заплаціць за расійскае ўмяшанне?» — напісаў Болтан.