Міністр здароўя ўзначаліць камісію па супрацьдзеянні карупцыі пры Міністэрстве здароўя
Фота Волі Афіцэравай
Міністр аховы здароўя Валерый Малашка асабіста ўзначаліць камісію па супрацьдзеянні карупцыі ў Міністэрстве аховы здароўя. Пра гэта ён заявіў напярэдадні на выніковай калегіі Міністэрства аховы здароўя, піша БелТА.
Перад Міністэрствам аховы здароўя стаяла задача кардынальным чынам выправіць сітуацыю ў галіне, выкараніць карупцыйныя з'явы і тое, што стварае для іх аснову.
Па словах Валерыя Малашкі, антыкарупцыйная работа пастаўлена як галоўнае ў міністэрстве, органах кіравання і ў кожнай установе аховы здароўя. Для неадкладнага прыняцця кіраўнічых рашэнняў працу камісіі па супрацьдзеянні карупцыі ў Міністэрстве аховы здароўя ўзначальваць будзе асабіста міністр. Ён падкрэсліў, што адказнасць за працу на месцах ляжыць на кожным кіраўніку.