У Польшчы мужчына спрабаваў пратараніць машынай вароты прэзідэнцкага палаца
У Варшаве 36-гадовы кіроўца аўтамабіля Volkswagen спрабаваў пратараніць вароты прэзідэнцкага палаца і ўехаць на яго тэрыторыю.
Як паведамляе RMF24, калі ён пад'ехаў да рэзідэнцыі, яго паспрабавалі спыніць праваахоўнікі, якія патрулявалі вуліцу, аднак мужчына толькі павялічыў хуткасць, зачапіўшы аднаго з іх.
Праехаць на тэрыторыю палаца яму так і не ўдалося, бо перад варотамі ён урэзаўся ў падняты бар'ер аховы. Зараз зламысніка затрымалі. Яго матывы на невядомыя.