Рэдактар «СБ. Беларусь сёння»: Аднаполыя шлюбы сталі нармальнымі. Тады можна легалізаваць і канібалізм?
Галоўны рэдактар «СБ. Беларусь сёння» Дзмітрый Жук у эфіры АНТ паразважаў пра аднаполыя шлюбы.
«Ёсць тэорыя вокнаў Авертона — як рэчы, якія былі непрымальнымі, становяцца агульнапрынятымі і, больш за тое, заахвочваюцца. Я кажу і пра аднаполыя шлюбы ў Еўропе — вы ўзгадайце каталіцкую пурытанскую Еўропу пачатку XX стагоддзя, — і сёння гэта стала нармальным. Доля насельніцтва з… скажам, не такой, нетрадыцыйнай арыентацыі і ў тыя часы, і ў нашы дні прыкладна аднолькавы.
Прабачце, такім чынам можна легалізаваць і паняцце канібалізму. Калісьці ж елі? Гэта ж прырода чалавека?»