Сіноптыкі: у панядзелак — мокры снег з дажджом і галалёд
Мокры снег з дажджом прагназуюцца ў Беларусі 10 снежня, месцамі чакаецца туман. Пра гэта паведамілі БелТА сіноптыкі.
Захаваецца воблачнае надвор'е. На большай частцы тэрыторыі пройдуць ападкі - мокры снег, дождж. Месцамі чакаюцца туман і слабы галалёд, на асобных участках дарог - галалёдзіца.
Вецер будзе паўднёвы, паўднёва-заходні ўмераны. Тэмпература паветра ўначы складзе ад мінус 2 да плюс 3 градусаў, у сярэдзіне дня - ад 0 да 5 градусаў цяпла.