У мінскай краме мужчына патрабаваў нарэзаць яму лімон, пагражаючы прадаўцу пісталетам ВІДЭА
Інцыдэнт адбыўся ў адной з мінскіх крамаў 20 кастрычніка.
Як паведамляе Следчы камітэт, 31-гадовы пакупнік запатрабаваў у прадавачкі нарэзаць яму раней набыты лімон. Тая патлумачыла, што пакуль занятая. Тады хуліган дастаў пнеўматычны пісталет і стаў пагражаць жанчыне.
Пра здарэнне яна паведаміла ахове крамы. Неўзабаве міліцыянты затрымалі мужчыну. Ён быў нецвярозы.
Мужчыну прад'яўленае абвінавачванне па артыкуле «Хуліганства, здзейсненае з пагрозай прымянення зброі» (ч.3 арт.339 КК). Ён знаходзіцца пад хатнім арыштам.