Пасля аварыі з маршруткай на гродзенскай трасе давядзецца ехаць 70 км/г ці нават 50 км/г, як патрабуюць знакі
ДАІ Гродзеншчыны папярэдзіла, што будзе з 24 да 26 кастрычніка масіравана адпрацоўваць аўтамабільныя трасы вобласці.
Найбольш пільная ўвага будзе нададзена тым месцам трасы М6 Мінск — Гродна, дзе праводзяцца дарожныя работы.
Асаблівасць сітуацыі ў тым, што траса М6 у пачатку лістапада мае адкрыцца пасля рэканструкцыі. Таму ў гэтыя дні рамонтныя працы працягваюцца ледзь не па ўсёй дарозе. У такіх месцах стаяць часовыя знакі аб абмежаванні хуткасці да 70 км/г ці нават да 50 км/г.