У мінскіх гіпермаркетах «Еўраоптах» пакеты сталі платнымі
З 23 кастрычніка ў гіпермаркетах «Еўраопт» у Мінску ўводзіцца плата за поліэтыленавыя пакеты, паведамляе прэс-служба сеткі.
Раней плата за ўпаковачныя пакеты ўжо дзейнічала ў Беларусі ва ўсіх гіпермаркетах «Еўраопт», за выключэннем сталічных.
У «Еўраопце» запэўніваюць, што гэтая мера «спрыяе памяншэнню экалагічнай шкоды ад пластыкавага забруджвання».
Для зручнасці пакупнікоў кампанія зараз думае забяспечыць крамы біяраскладальнымі пакетамі, а таксама адмысловымі фірмовымі шматразовымі торбамі.