Трэці за паўтара года. Прызначаны новы начальнік упраўлення спажывецкага рынка Мінгарвыканкама
Фота з «Аднакласнікаў»
Прызначаны новы начальнік галоўнага ўпраўлення спажывецкага рынку Мінгарвыканкама, паведамляе «Мінск-Навіны». Два папярэднія кіраўнікі ГУСР знаходзяцца пад вартай.
Галоўнае ўпраўленне спажывецкага рынку Мінгарвыканкама курыруе гандаль і грамадскае харчаванне ў сталіцы.
Новым начальнікам ГУСР з 20 жніўня з'яўляецца Андрэй Улезла. Да гэтага ён займаў пасаду генеральнага дырэктара ААТ «Белбакалея», якая займаецца аптовым гандлем. Мае дзве вышэйшыя адукацыі - скончыў гомельскі універсітэт спажыўкааперацыі і акадэмію кіравання.
Андрэй Улезла — ужо трэці начальнік ГУСР за мінулыя паўтара года. Два былыя знаходзяцца пад вартай.