Піяніст Віталь Стахіевіч выдае новы альбом
Вядомы беларускі піяніст Віталь Стахіевіч, які жыве ў Амстэрдаме, даўна супрацоўнічае з галандскай меца-сапрана Рут Вілемсэ. Аднойчы іх можна было пачуць разам у Беларускай філармоніі.
А месяц таму дуэт адважыўся на смелы праект: абвесціць краўдфандынгавую кампанію па зборы сродкаў на запіс новага альбома. Амбіцыйны праект скончыўся поспехам літаральна за адзін дзень да заканчэння тэрміну ахвяраванняў. Неўзабаве Віталь і Рут плануюць запісаць цыклы песняў Малера, Вагнера і Элгара.
Рэліз новага альбома будзе ў кастрычніку.