Квэсты, Volski, рок-н-рол: праграма беларускага рок-фестывалю «Наш дзень»
У суботу 30 чэрвеня ў Музеі народнай архітэктуры і побыту пад Мінскам адбудзецца першы беларускі рок-фестываль «Наш дзень». Арганізатары абвясцілі чаргу выступаў музыкаў і забаўляльную праграму.
Музычная частка
Музычны лайн-ап фестывалю складаюць 12 найлепшых імёнаў сучаснай беларускай рок-музыкі, а таксама пераможцы конкурсу маладых гуртоў. Модныя беларускія гурты і сапраўдныя легенды побач. Гучныя гітарныя рыфы і шчырая лірыка. Калі вы апошні раз бачылі столькі выбітных беларускіх музыкаў на адной сцэне? Пытанне з відавочным адказам.
Расклад выступаў:
| 12:00 — пераможцы конкурсу 13.00 — B:N: 13.30 — Мутнаевока 14.10 — Пятро Клюеў 14.50 — The Superbullz 15.40 — Зміцер Вайцюшкевіч 16.20 — Neuro Dubel | 17.00 — Крама 17.50 - Akute 18.30 — Nizkiz 19.20 — Дай дарогу 20.10 — Dzieciuki 21.00 — Volski
|
Забавы і пляцоўкі
- Фудкорт — піва («Беларуская карчма»), беларуская кухня, кебабы, хот-догі, кава, гарбата ды інш.
- Quvalda — беларуская гульнявая прастора з квэстам, віртуальнай рэальнасцю, галаваломкамі ды інш.
- Дзіцячая пляцоўка — батут, актыўныя гульні, беларускія настолкі, лук, коні ды інш.
- ГА «Эгіда» — кожны будзе мець магчымасць узяць сабе бяздомнага коціка ці сабачку.
- Кірмаш рамеснікаў — вырабы з дрэва, саломкі, металу, гліны і г.д.
- Кірмаш беларускай вопраткі і атрыбутыкі — LSTR, Symbal.by, «Князь Вітаўт», «Мой модны кут».
- Зона НДА — шматлікія адукацыйныя, культурныя, экалагічныя, грамадскія ініцыятывы, у тым ліку майстар-класы па лічбавай бяспецы, экалагічным ладзе жыцця і шведскай мове.
- Футбольная зона — ФК «Тарпеда Мінск».
Як даехаць
- Пляцоўка: Музей народнай архітэктуры і побыту за вёскай Азярцо (4 км ад МКАД за аўтарынкам «Малінаўка»).
- На ўласным аўто (будзе паркоўка) ці ровары.
- Прыгараднымі аўтобусамі ад аўтастанцыі «Паўднёва-Заходняя».
- Гарадскім аўтобусам №170Э ад АС «Паўднёва-Заходняя», які спыняецца на прыпынках метро «Пятроўшчына» і «Малінаўка».
- Маршрутным таксі 1277-тк ад станцыі метро «Пятроўшчына».
- Дадатковым аўтобусам №203Э ад станцыі «Паўднёва-Заходняя» (праз метро «Пятроўшчына»).
- З 22.00 да 23.00 ад музея ў бок горада будуць хадзіць бясплатныя аўтобусы, на якіх можна будзе даехаць да метро «Малінаўка».
- Прыватны трансфер на фестываль і з фестывалю — падрабязней тут.
Квіткі
Квіткі на фэст каштуюць 28 рублёў. У дзень фэста — 30. Набыць можна ў касах і на сайце Kvitki.by, а таксама на ўваходзе. Падрабязная інфармацыя пра фэст на старонках у Facebook і VK. Інфалінія: (033) 661 14 32.