Рэстаран «Паедзем паядзім» ля Курапат пустуе, ніхто туды не прыязджае. А хто спыняецца, з тым працуюць пратэстоўцы
Жыхары Мінска працягваюць пікетаваць рэстаран «Паедзем паядзім», што адкрылі каля Курапат. Яны патрабуюць ад уласнікаў комплексу закрыць яго і або перанесці ў іншае месца, або перапрафіляваць.
Актывісты інфармуюць кіроўцаў машын, якія пад'язджаюць да рэстарана, пра Курапаты. Зрэшты, ахвотных пад'есці там і так амаль няма. Усе гэтыя дні аб'ект грамадскага харчавання прастаяў пусты.
8 чэрвеня на дзве гадзіны затрымалі пратэстоўца Дзяніса Урбановіча. Яго даставілі ў пастарунак у Бараўляны, пасля чаго адпусцілі і ён далучыўся да сяброў.