У Расіі гастарбайтар з Азіі забіў беларуса гірай
Адбылося ўсё яшчэ ў снежні 2017 года. У маі скончылася раследаванне справы.
Міліцыя паведамляе, што 22-гадовы незаконны мігрант жыў у свайго знаёмага, 55-гадовага беларуса, у пасёлку пад Выбаргам (Ленінградская вобласць).
Мужчыны пасварыліся, затым абвінавачаны нанёс беларусу некалькі удараў бліном ад штангі вагой 8 кг, пасля яшчэ і гімнастычнай гірай вагой 16 кг па галаве і ўрэшце двойчы ўдарыў кухонным нажом у шыю. Ад атрыманых цялесных пашкоджанняў беларус памёр на месцы здарэння.
Пасля здзейсненага забойства абвінавачваны закідаў цела загінулага коўдрамі і, прыхапіўшы з сабой асабістыя рэчы нябожчыка, з'ехаў у Санкт-Пецярбург. Здабычай зламысніка стала нязначная сума грошай, ноўтбук, мабільнік і гадзіннік.
Пасля забойцу знайшлі і затрымалі.
Падчас следства абвінавачаны прызнаў віну, але не раскаяўся.