З-за моцных маразоў за гэтыя дні, па папярэдніх дадзеных, памерлі тры чалавекі
З суботы, 24 лютага, калі ў краіне пачаліся моцныя маразы, па папярэдніх дадзеных, ад пераахаладжэння памерлі тры чалавекі, паведамляе Tut.by.
Спецыялісты звяртаюць увагу: дадзеныя — папярэднія, сапраўдную прычыну смерці высветліць судмедэкспертыза.
Па статыстыцы з 11 снежня па краіне ад пераахаладжэння памерлі 17 чалавек. Гэта выпадкі, пацверджаныя судмедэкспертызай.
Таксама за мінулы тыдзень ад халадовых і галалёдных траўмаў пацярпелі 860 чалавек, з іх шпіталізавалі 127 чалавек. З ліку тых, хто звярнуўся, паслізнуўся і атрымаў траўму, — 817 чалавек, халадовую атрымалі 43 чалавекі.
У Рэспубліканскім цэнтры экстранай медыцынскай дапамогі адзначаюць, што прыкладна 60% тых, хто звярнуўся па дапамогу зрабілі гэта з суботы, 24 лютага, калі ў краіне ўсталяваліся моцныя маразы.
МНС у моцныя маразы просіць захоўваць наступныя рэкамендацыі:
- Па магчымасці не выходзіць на вуліцу ці абмежаваць час знаходжання на адкрытым паветры.
- Апранацца трэба шматслойна, замест пальчатак насіць рукавіцы, выбіраць абутак на тоўстай падэшве.
- Шчыльным шалікам можна прыкрываць нос і рот.
- Не ўжывайце алкаголь і не курыце.
- Перад выхадам на вуліцу змазаць тлустым крэмам не закрытыя адзеннем участкі цела.