Французскія біятланісткі выйгралі эстафету на этапе Кубка свету, беларускі 15-я
Біятланісткі жаночай зборнай Францыі выйгралі эстафетную гонку 4х6 км на этапе Кубка свету ў нямецкім Аберхофе, паведамляе БЕЛТА.
Другое месца ў біятланістак Германіі, трэцімі фінішавалі шведкі.
За каманду Беларусі выступалі Надзея Скардзіна, Надзея Пісарава, Дынара Алімбекава і Дар'я Домрачава. Пасля двух этапаў яны былі дзевятымі, а потым — поўны правал на стрэльбішчы, і ў выніку беларускі сталі 15-мі.
Дар'я Домрачава. Фота Дзяніса Касцючэнкі, БелТА.