У Паставах п'яны на «Вольва» спрабаваў прарвацца на навагоднюю яліну
Каля трох гадзін ночы ў Паставах аўтамабіль Volvo спрабаваў прарвацца на цэнтральную плошчу, дзе праходзіла святкаванне Новага года.
За рулём Volvo быў п'яны 27-гадовы кіроўца. Ён збіў часовы дарожны знак «Уезд забаронены» і паехаў далей. Дарогу на плошчу яму загарадзіў аўтамабіль МАЗ, выстаўлены ў якасці бар'ера.
Кіроўца Volvo не пацярпеў. А яго жонка, якая ехала ў якасці пасажыра, шпіталізаваная з траўмамі, паведамляе УУС Віцебскага аблвыканкама.