Лукашэнка даручыў маштабна перапрацаваць Падатковы кодэкс
Пра гэта заявіў сёння Аляксандр Лукашэнка, выступаючы на сустрэчы з прадстаўнікамі бізнэс-колаў, піша БелТА.
«Урад па маім даручэнні ўжо ў студзені сфармуе адмысловую групу і пачне маштабную перапрацоўку Падатковага кодэкса. Ён павінен быць простым і зразумелым. Але галоўнае — здольным падтрымліваць эканамічную дзейнасць, а не прымушаць суб'екты гаспадарання шукаць шчыліны для сыходу ад фінансавых і падатковых абавязацельстваў», - адзначыў Аляксандр Лукашэнка.