Царква Швецыі перастане называць Бога «ён». «Бог жа не мужчына»
Эль Грэка. Дзяльба тунікі Ісуса. Карціна захоўваецца ў Мастацкім музеі Ліёна. Фота з Вікіпедыі.
Лютэранская царква Швецыі рэкамендуе выкарыстоўваць гендарна-нейтральныя выразы пры звароце да Бога. У прыватнасці, святарам пажадана ўстрымлівацца ад ужывання слоў «Госпад» і «ён». Замест гэтага прапануецца казаць «Бог».
Рэкамендацыя ўвойдзе ў сілу з 20 мая 2018 года.
У той жа час многія ў царкве такое рашэнне крытыкуюць. Адны адзначаюць, што яно пярэчыць вучэнню аб Святой Тройцы. Іншыя проста лічаць пытанне малаважным і нявартым абмеркавання.