Іспанскі суд ануляваў дэкларацыю незалежнасці Каталоніі
Іспанскі Канстытуцыйны суд афіцыйна адмяніў дэкларацыю аб незалежнасці Каталоніі, якую парламент рэгіёну прыняў у кастрычніку — паведамляе Reuters. Мадрыд пасля гэтага распусціў урад Каталоніі і прызначыў дату новых выбараў
Парламент рэгіёну прагаласаваў за незалежнасць ад Мадрыда 27 кастрычніка.
Праз некалькі гадзін пасля гэтага ўлады Іспаніі адправілі ў адстаўку рэгіянальны ўрад, распусцілі парламэнт і прызначылі новыя выбары ў Каталоніі на 21 снежня.
Раней, 31 кастрычніка, Канстытуцыйны суд заблакаваў абвяшчэнне незалежнасці Каталоніі да вынясення канчатковага рашэння па гэтай справе.