У Брэсце таксіст збіў пешахода
У Брэсце аўтамабіль таксі збіў пешахода, паведамілі ў абласной Дзяржаўтаінспекцыі.
Дарожна-транспартнае здарэнне адбылося каля 15.50 ў цэнтры горада. Паводле папярэдняй інфармацыі, за рулём аўтамабіля таксі Toyota Prius знаходзіўся 30-гадовы берасцеец. На скрыжаванні вуліц Гогаля і Карла Маркса кіроўца ўчыніў наезд на 32-гадовага мужчыну, які перасякаў праезную частку па нерэгуляваным пераходзе. У выніку наезду пешаход атрымаў цялесныя пашкоджанні і быў шпіталізаваны.
Па факце ДТЗ праводзіцца праверка.