Расійскую транссэксуалку выправадзілі з «ДНР»
Грамадзянскага актывіста Алега Васільева, вядомага як Шэрае Фіялетавае, выправадзілі за межы самаабвешчанай Данецкай народнай рэспублікі, дзе ён знік у канцы студзеня.
Пра гэта паведаміў «Лайф» са спасылкай на крыніцу ў сілавых структурах сепаратыстаў.
Па інфармацыі выдання, гэта адбылося на памежным прапускным пункце ў падкантрольным ДНР сяле Успенка на мяжы Украіны і Расіі. Раней крыніца «Лайфа» паведамляла, што сепаратысты плануюць 14 лютага адпусціць Шэрае Фіялетавае і яго спадарожніцу Вікторыю Мірашнічэнку.
Раней Вікторыя паведаміла «Медузе», што яна і Шэрае Фіялетавае знаходзяцца ў Расіі і што з імі «ўсё ў парадку».