У Кітаі чыноўнікі заснулі на нарадзе па барацьбе з лянотай
У кітайскай правінцыі Хубэй шэсць удзельнікаў нарады, падчас якой абмяркоўвалася, як матываваць лянівых чыноўнікаў, папросту заснулі.
Сярод тых, хто заснуў, быў кіраўнік фонду, які выдае субсідыі на жыллё малазабяспечаным грамадзянам, а таксама намеснік сакратара бюро гарадскога планавання ў акрузе Сян'ян, паведамляе Reuters.
Дысцыплінарнае бюро сян'янскага аддзялення Камуністычнай партыі Кітая абавязала чыноўнікаў публічна папрасіць прабачэння і напісаць лісты з самакрытыкай.