Расійская транссэксуалка паехала ў «ДНР», каб правесці акцыю ў падтрымку ЛГБТ. І знікла
31 студзеня на тэрыторыі «ДНР» прапала расійская транссэксуалка Марыя Штэрн (ранейшае імя Алег Васільеў; псеўданім — Шэрае Фіялетавае).
Штэрн адправілася ў «ДНР», каб правесці ў Данецку акцыю ў падтрымку ЛГБТ-супольнасці, аднак пасля перасячэння мяжы перастала выходзіць на сувязь. Знаёмыя мяркуюць, што яна была затрыманая супрацоўнікамі міністэрства дзяржаўнай бяспекі «ДНР».
Алег Васільеў быў удзельнікам арт-групы «Вайна». Некалькі гадоў таму атрымаў палітычны прытулак у Фінляндыі, бо ў Расіі падвяргаўся пераследу за ўдзел у ЛГБТ-акцыях.