У Барысаве грузавік сутыкнуўся з рэйсавым аўтобусам
У Барысаве грузавік сутыкнуўся з рэйсавым аўтобусам, паведаміла БелТА старшы інспектар па агітацыі і прапагандзе аддзела ДАІ Барысаўскага РУУС Ірына Пахтусава.
Фота з сацсетак
«Аварыя адбылася раніцай на вуліцы Лапаціна на скрыжаванні з трасай Р63, паблізу санаторыя «Бярэзіна». Кіроўца МАЗ няправільна выбраў бакавы інтэрвал і сутыкнуўся з рэйсавым аўтобусам №11А. У выніку ДТЗ ніхто не пацярпеў», — удакладніла Ірына Пахтусава.
ДАІ высвятляюць абставіны здарэння.