Рассельгаснагляд просіць Мінск спыніць рээкспарт пакістанскай садавіны
Рассельгаснагляд звярнуўся да Беларусі з просьбай спыніць рээкспарт на тэрыторыю Расіі падкаранціннай садавіны з Пакістана, гаворыцца ў паведамленні на сайце ведамства, піша ria.ru.
Садавіна паступіла на тэрыторыю Расіі ў суправаджэнні рээкспартных фітасанітарных сертыфікатаў, выдадзеных галоўнай дзяржаўнай інспекцыяй па насенняводстве, каранціне і ахове раслін Беларусі.
«Рассельгаснагляд … звярнуўся да беларускага боку з просьбай спыніць выдачу фітасанітарных сертыфікатаў на рээкспарт плодаагародніннай прадукцыі паходжаннем Ісламская Рэспубліка Пакістан», - гаворыцца ў паведамленні ведамства.