88,9% падтрымалі змены ў Канстытуцыю Азербайджана — экзіт-пол
Паводле звестак экзіт-пола, праведзенага ў рамках рэферэндуму па ўнясенні змяненняў у Канстытуцыю Азербайджана, 88,9 працэнта прагаласавалі за змены ў Канстытуцыю.
Згодна з вынікамі экзіт-пол, актыўнасць выбаршчыкаў склала 67,5%, паведамляе trend.az.
У Азербайджане ў панядзелак адбылося ўсенароднае галасаванне з мэтай унясення змяненняў у Канстытуцыю краіны.
У прыватнасці, на рэферэндум выносіліся пытанні аб стварэнні ў Азербайджане пасадаў першага віцэ-прэзідэнта і віцэ-прэзідэнтаў, падаўжэнне тэрміну паўнамоцтваў прэзідэнта з пяці да сямі гадоў, прадастаўленне кіраўніку дзяржавы паўнамоцтваў па роспуску Мілі Меджліса і прызначэнні пазачарговых прэзідэнцкіх выбараў, адмена узроставых абмежаванняў на прэзідэнцкіх выбарах, зніжэнне ўзроставага цэнзу для ўдзелу ў парламенцкіх выбарах з 25 да 18 гадоў.