Майкл Фэлпс стаў героем мемаў праз панурую грымасу
Плывец Майкл Фэлпс запомніўся не толькі сваімі ўдалымі выступленнямі ў Рыа, але і суворым выразам твару, які інтэрнэт-карыстальнікі ператварылі ў мем. Пазней ён патлумачыў, што ж яго так раззлавала.
Суворы Фэлпс патрапіў у аб'ектывы камер яшчэ 9 жніўня, калі чакаў старту перад адным з заплываў. Амерыканец настолькі змрочна паглядзеў на паўднёваафрыканскага плыўца Чада ле Кло, што кадр пераўтварылі ў мноства мемаў і фотажаб.
«У маёй галаве проста іграла музыка. Я думаў пра сваё, вакол плёскалася вада, я быў у сваёй стыхіі, — распавёў ён выданню Today. — Я не хацеў нападаць на яго, не хацеў глядзець на яго са злосцю».
Праўда, інтэрнэт-карыстальнікаў ужо наўрад ці атрымаецца стрымаць.
Майкл Фэлпс з'яўляецца ўладальнікам 23 алімпійскіх залатых медалёў (дзевяць з іх прыйшліся на эстафеты). 12 жніўня ён перамог на дыстанцыі 200 метраў комплексным плаваннем, атрымаў свой 13-ы індывідуальны медаль і пабіў рэкорд найвялікшага спартсмена старажытнага свету — Леаніда Радоскага, у якога алімпійскіх медалёў было дванаццаць.
Цяпер Фэлпс — адзіны ў гісторыі спорту 23-разовы алімпійскі чэмпіён і 26-разовы чэмпіён свету ў 50-метровым басейне.